„ჰამასი“ ცეცხლის შეწყვეტის შეთანხმებისთვის მზად არის, - ამის შესახებ „ჰამასის“ ოფიციალურმა წარმომადგენელმა სააგენტო „ფრანს-პრესს“ განუცხადა.

„ჩვენ ეგვიპტეში, კატარსა და თურქეთში შუამავლებს ვაცნობეთ, რომ „ჰამასი“ ცეცხლის შეწყვეტის შეთანხმებისთვის და ტყვეების გაცვლის სერიოზული შეთანხმებისთვის მზად არის“, - განაცხადა „ჰამასის“ ოფიციალურმა პირმა.

მისივე თქმით, „ჰამასი“ ისრაელსა და „ჰეზბოლას“ შორის ცეცხლის შეწყვეტის შეთანხმების მიღწევას მიესალმება.

შეგახსენებთ, ისრაელსა და „ჰეზბოლას“ შორის ლიბანში ცეცხლის შეწყვეტის შეთანხმება დღეს, ადგილობრივი დროით 04:00 საათიდან ძალაში შევიდა.