მომსახურების სააგენტოს საჩხერის სტრუქტურულ ერთეულში, დიდთოვლობის გამო, მართვის უფლების მისაღები პრაქტიკული გამოცდის პირველი და მეორე ეტაპი შეჩერებულია
მომსახურების სააგენტოს საჩხერის სტრუქტურულ ერთეულში, დიდთოვლობის გამო, მართვის უფლების მისაღები პრაქტიკული გამოცდის პირველი და მეორე ეტაპი შეჩერებულია. ინფორმაციას მომსახურების სააგენტო ავრცელებს.
მათივე ცნობით, პრაქტიკული გამოცდის მეორე ეტაპის გამოცდაზე ჩაწერილი კანდიდატების მიმართ არ გავრცელდება დისკვალიფიკაცია და გადახდილი თანხა სრულად შეუნარჩუნდებათ.
„გაცნობებთ, რომ მომსახურების სააგენტოს საჩხერის სტრუქტურულ ერთეულში, დიდთოვლობის გამო, მართვის უფლების მისაღები პრაქტიკული გამოცდის პირველი და მეორე ეტაპი შეჩერებულია. მიმდინარეობს გაწმენდითი სამუშაოები.
პრაქტიკული გამოცდის მეორე ეტაპის გამოცდაზე ჩაწერილი კანდიდატების მიმართ არ გავრცელდება დისკვალიფიკაცია და სრულად შეუნარჩუნდებათ გადახდილი თანხა. კანდიდატებს, გამოცდაზე გასვლის კონკრეტული თარიღის შესახებ, დეტალური ინფორმაცია ეტაპობრივად ეცნობებათ“,- აღნიშნულია მომსახურების სააგენტოს მიერ გავრცელებულ ინფორმაციაში.
