ჩვენს წინაშე სისხლიანი ავტორიტარიზმია - ამის შესახებ კოალიცია „ძლიერი საქართველოს“ ერთ-ერთი ლიდერი, ანა დოლიძე სოციალურ ქსელში წერს.

მისი თქმით, „ეს სისტემა ერთხელ მაინც თუ არ გაიწმინდა და დაისაჯა ყოველთვის იმუშავებს ხალხის წინააღმდეგ.“

„არასოდეს არავის ხელისუფლებაში არ ქონია ნება გამოეკვლია და გამოეძია ის სისასტიკე და მისი მიზეზები, რის გამოც სპეცრაზმი თავისი ნებით უსწორდება ხოლმე მშვიდობიან ხალხს. დაგდებულ მომიტინგეს ურტყამს გამალებით ან თინეიჯერს მისდევს ქუჩა-ქუჩა და სცემს. არავინ გააკეთა ეს 2012 წლის მერეც იმიტომ, რომ ამ სისტემას თავისთვის ინახავდა. თუ არ გავწმინდეთ და დავსაჯეთ ერთხელ მაინც ეს სისტემა ყოველთვის იმუშავებს ხალხის წინააღმდეგ. როდისღაც მე ამას აუცილებლად გავაკეთებ“, - წერს ანა დოლიძე.