რუსთაველის გამზირზე, „ცისფერ გალერეასთან“ განლაგებულმა სპეცრაზმის თანამშრომლებმა აქციის კიდევ ორი მონაწილე დააკავეს. მომიტინგეები ველოსიპედით გადაადგილდებოდნენ, როცა მათი დაკავება მოხდა.

რაც შეეხება დედაქალაქის მთავარ გამზირზე ამ დროისთვის არსებულ ზოგად ვითარებას, აქციის მონაწილეები ადგილზე ამ დრომდე რჩებიან.

დემონსტრანტები სხვადასხვა ნივთს წვავენ, ამასთან, აღმართული აქვთ ხელოვნური ბარიკადები.

სპეცრაზმის თანამშრომლები პერიოდულად პირებს, რომლებიც მათ სიახლოვეს მიდიან, აკავებენ.