პარლამენტთან შეკრებილი საპროტესტო აქციის მონაწილეების ნაწილი საკანონმდებლო ორგანოსთან სანთლებით ხელში დგას. მათ სანთლები ცოტა ხნის წინ აანთეს, ამავე დროს კი სკანდირებენ: "საქართველო, საქართველო".

პარალელურად, აქციის მონაწილეთა ნაწილი პარლამენტის შენობის მიმართულებით სხვადასხვა საგნებს ისვრის, ჯებირებზე ხელებს და სხვადასხვა ნივთს აბრახუნებს და პიროტექნიკას იყენებს.

აქციის მონაწილეები ერთმანეთს შეძახილებით ამხნევებენ. ისინი ამ წუთებში საქართველოს ეროვნულ ჰიმნს ასრულებენ. საპროტესტო აქციის გამო, საავტომობილო მოძრაობა გადაკეტილია. ადგილზე მობილიზებულია პოლიცია.