ქუთაისში პროტესტი გრძელდება. დღეს მოქალაქეები მერიის წინ შეიკრიბნენ, საიდანაც შეძახილებით "ქართული ოცნების" ოფისთან მივიდნენ, შემდეგ კი იმერეთის სამხარეო ოფისთან გადაინაცვლეს.

მათი თქმით, სამხარეო პოლიციაში, თბილისის აქციაზე დაკავებული „სინდისის პატიმრები“ იმყოფებიან.

აქციის მონაწილეები დაკავებულებს სოლიდარობას უცხადებენ და აპროტესტებენ „ხელისუფლების გადაწყვეტილებას და ქვეყნის საგარეო კურსის ცვლილებას“.

მათი თქმით, არ დაიღლებიან და პროტესტი გაგრძელდება.