სპეცრაზმის ნაწილი ბესიკის ქუჩაზე ავიდა, სადაც აქციის მონაწილეები ბიზნესცენტრის შენობას აფარებენ თავს. აქტივისტები შეკრებილი არიან ასევე შენობის გარე პერიმეტრზეც.

საპოლიციო ძალების ნაწილი ისევ რუსთაველის მეტროს მიმართულებით აგრძელებს სვლას, საითაც მომიტინგეები გადაადგილდებიან.

პარალელურად, სამართალდამცველებმა აქციის დაშლის დროს რამდენიმე ადამიანი დააკავეს.

რაც შეეხება პარლამენტის წინა პერიმეტრს, ტერიტორია სპეცრაზმმა აქციის მონაწილეებისგან ცოტა ხნის წინ სრულად გაათავისუფლა.