პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილედ პაატა სალია აირჩიეს.

პარლამენტის რეგლამენტის 31-ე მუხლის მე-2 პუნქტის შესაბამისად, კომიტეტს პაატა სალიას კანდიდატურა ფრაქცია „ქართულმა ოცნებამ“ წარუდგინა.

პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძემ პაატა სალიას მოადგილედ არჩევა მიულოცა და წარმატებული საქმიანობა უსურვა.