ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან კურიერები მიმდინარე აქციების დროს დაკავებული პირების მხარდასაჭერად შეიკრიბნენ. მათ დაკავებული კურიერის მხარდამჭერი ბანერი აქვთ მოტანილი: „თავისუფლება ირაკლის“.

„ქვეყანაში არსებული ვითარებიდან გამომდინარე, სისტემის მიერ დაკავებულია 19 წლის კურიერი. მისი და საზოგადოების მხარდასაჭერად შეიკრიბნენ კურიერები. არის უამრავი დასახიჩრებული და მოწამლული ადამიანი, ჩვენ ტყუილად არ შევიკრიბეთ ჯანდაცვის სამინისტროსთან, ერთი მესიჯი გვინდა გავუშვათ მათი მისამართით, როდესაც წამლავენ ადამიანებს, ერთი განცხადება მაინც უნდა გაკეთდეს. სამწუხაროდ, მაშინ, როდესაც 300-ზე მეტი ადამიანია დასახიჩრებული, ერთი ე.წ. "ტიტუშკა", ზონდერი და სამართალდამცავი არ არის დაკავებული",- განაცხადა ერთ-ერთმა მონაწილემ გიორგი დიასამიძემ.

ჯანდაცვის სამინისტროსთან 14:00 საათზე კიდევ ერთი საპროტესტო აქციაა დაანონსებული.