გერმანიამ უკრაინას სამხედრო დახმარების ახალი პაკეტი გადასცა, - ამის შესახებ ინფორმაციას უკრაინული მედია ავრცელებს.

გერმანიის მიერ უკრაინისთვის გადაცემული სამხედრო პაკეტი ორ საჰაერო თავდაცვის სისტემა IRIS-T-ს, Leopard 1 A5-ის ტიპის 15 ტანკსა და Patriot-ის სისტემის ორ გამშვებ დანადგარს მოიცავს.

ამასთან, სამხედრო დახმარების პაკეტში Gepard-ის ორი საზენიტო სისტემა, TRML-4D-ის ტიპის ორი რადარი, 52 ათასი 155 მმ საარტილერიო ჭურვი, Vector-ის 30 დრონი, RQ-35 Heidrun-ის 24 დრონი, Hornet XR-ის 14 დრონი და სხვა სახის საბრძოლო მასალა შედის.