საგარეო საქმეთა სამინისტროსთან ემიგრანტები იკრიბებიან.

ჩიტაძის ქუჩაზე, სადაც საგარეო საქმეთა სამინისტროს ყოფილი შენობა მდებარეობს, ემიგრანტები და ემიგრანტების ოჯახის წევრები პროტესტის ნიშნად იკრიბებიან. მათი მოთხოვნაა ახალი არჩევნები და აქციების დროს დაკავებულების გათავისუფლება.

პროტესტის მონაწილეებს მიტანილი აქვთ სხვადასხვა შინაარსის ბანერები. „რუსეთი ჩვენი საერთო მტერია“.

საგარეო საქმეთა სამინისტროსთან შეკრებილები მსვლელობით რუსთაველის გამზირზე შეუერთდებიან საპროტესტო აქციას, რომელიც უკვე თვეზე მეტია მიმდინარეობს.