ლიბანის პრეზიდენტმა პრემიერ-მინისტრად მართლმსაჯულების საერთაშორისო სასამართლოს პრეზიდენტი ნავაფ სალამი დაასახელა, - ამის შესახებ ინფორმაციას BBC-ი ლიბანის პრეზიდენტის ადმინისტრაციაზე დაყრდნობით ავრცელებს.

„რესპუბლიკის პრეზიდენტმა მთავრობის შექმნა მოსამართლე ნავაფ სალამს დაავალა“, - ნათქვამია ლიბანის ახლად არჩეული პრეზიდენტის, ჯოზეფ აუნის განცხადებაში.

სალამის კანდიდატურას მხარი ლიბანის პარლამენტის 128 დეპუტატიდან 84-მა დაუჭირა.

ცნობისთვის, ნავაფ სალამი მართლმსაჯულების საერთაშორისო სასამართლოს პრეზიდენტის თანამდებობას 2024 წლის თებერვლიდან იკავებს.