მზია ამაღლობელს დღეს ანალიზები აუღეს და მისი პასუხი ჯერ არ არის ცნობილი, თუმცა, 17-დღიანი შიმშილობის ფონზე ძალიან მხნედ გამოიყურება, - ამის შესახებ “ნეტგაზეთისა” და “ბათუმელების” დამფუძნებლის ადვოკატმა მაია მწარიაშვილმა მისი დაცვის ქვეშ მყოფის მონახულების შემდეგ “ინტერპრესნიუსთან” საუბარში განაცხადა.

მწარიაშვილის თქმით, მზია ამაღლობელს ქრონიკული დაავადებები აქვს, რის გამოც მისი შიმშილობა არ შეიძლება.

„ზოგადი ჯანმრთელობის მდგომარეობა ნორმალურია, დღეს აუღეს ანალიზები და ჯერ მისი პასუხი არ არის ჩვენთვის ცნობილი. მხნედ გამოიყურება, შეუძლია გადადგილება და საუბარი, რაც ძალიან უჩვეულოა იმის ფონზე, რომ მას აქვს ქრონიკული დაავადებები, რომლის პირობებშიც ამდენი ხანი შიმშილობა არ შეიძლება თუმცა, თავადაც უკვირს, საიდან აქვს ამხელა ძალა, რომ 17-დღიანი შიმშილობის შემდეგაც, ქრონიკული დაავადებების მიუხედავად, თავს შემართებით გრძნობს”, - განაცხადა მაია მწარიაშვილმა.