ლილოს დასახლებაში მკვლელობა მოხდა.

არსებული ინფორმაციით, რესტორან "კახელებთან" 40 წლამდე მამაკაცს ავტომობილში ესროლეს.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარის შესახებ გამოძიება სისხლის სამართლის კოდექსის 108-ე მუხლით დაიწო, რაც განზრახ მკვლელობას გულისხმობს.

გავრცელებული ინფორმაციით, მკვლელობა რამდენიმე საათის წინ მოხდა. ადგილზე მობილიზებული არიან სამართალდამცველები, კრიმინალური პოლიციის თანამშრომლები და მიმდინარეობს საგამოძიებო მოქმედებები.

მომხდარის სხვა დეტალები ამ დროისთვის, უცნობია.