კოსოვოს საპარლამენტო არჩევნებში, წინასწარი შედეგების მიხედვით, პრემიერ-მინისტრ ალბინ ქურთის მმართველი პარტია „თვითგამორკვევის მოძრაობა“ (Vetëvendosje) 41.3 %-ით ლიდერობს, - ინფორმაციას Reuters-ი ავრცელებს.

გამოცემის ცნობით, არჩევნებში გამარჯვების მიუხედავად პარტია პარლამენტში უმრავლესობის მოპოვებისთვის საჭირო მანდატებს ვერ აგროვებს.

მეორე ადგილზეა „კოსოვოს დემოკრატიული პარტია“ ხმების 21.8%-ით, მესამეზე კი „კოსოვოს დემოკრატიული ლიგა“ - 17.8%-ით.

ცნობისთვის, კოსოვოში საპარლამენტო არჩევნები გუშინ ჩატარდა. ამ დროისთვის დათვლილია ხმების 88%-ი.