გეგმური სარეაბილიტაციო სამუშაოების გამო, „ენერგო-პრო ჯორჯია“-ს აბონენტების ნაწილს ელექტროენერგიის მიწოდება შეეზღუდება.

ქსელის გეგმური სარეაბილიტაციო სამუშაოების გამო, „ენერგო-პრო ჯორჯია“-ს აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას “ენერგო-პრო ჯორჯია” ავრცელებს.

როგორც გავრცელებულ ინფორმაციაშია ნათქვამი, ელექტროენერგიის შეზღუდვა დუშეთის მცხეთისა და ყაზბეგის რაიონის სოფლებს, ასევე, სოფელ დიღომსა და სოფელ გლდანს შეეხება.

“ქსელის გეგმური სარეაბილიტაციო სამუშაოების გამო, 12 თებერვალს 10:00-იდან 18:30 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში ფასანაური, ლუთხუბი, ცხვედიეთი, მაქართა, კიტოხი, წიფორი, წითლიანი და მიმდებარე სოფლებში; 11:00-იდან 18:30 საათამდე აბონენტებს მცხეთის მუნიციპალიტეტის სოფლებში აგარაკები, ლისი, მსხალდიდი და მიმდებარე სოფლებში; 11:00-იდან 18:30 საათამდე აბონენტებს სოფელ დიღომში ზემოუბნის, დიდგორის, ვაშაძის, გაბრიელ ათონელის და მიმდებარე ქუჩებზე; 11:00-იდან 15:00 საათამდე აბონენტებს ყაზბეგის რაიონის სოფლებში არშა, თოთი და მიმდებარე სოფლებში; 12:00-იდან 15:00 საათამდე აბონენტებს სოფელ გლდანში კანდელაკის, ტაბიძის, მიქატაძის, ვართაგავას და მიმდებარე ქუჩებზე. სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში”, - ნათქვამია ინფორმაციაში.