„თბილისი ენერჯი“ - საბურთალო-ნუცუბიძეზე 76 700 აბონენტს გაზი უკვე მიეწოდება, სამუშაოები გრძელდება - რამდენიმე კორპუსი უსაფრთხოების გამო ვერ ჩაირთო, რადგან გაზის ონკანები მეპატრონეებმა ღია დატოვეს
„თბილისი ენერჯის“ ინფორმაციით, ავარიის შედეგად გათიშული აბონენტებისთვის გაზმომარაგების აღდგენის პროცესი ინტენსიურად გრძელდება.
კომპანიის ცნობით, ამ ეტაპზე გაზმომარაგება სრულად აღდგენილია ვაკის რაიონში.
„საბურთალო-ნუცუბიძის ტერიტორიაზე 76 700 აბონენტს ამ დროისთვის გაზი უკვე მიეწოდება. აქტიური სამუშაოები გრძელდება. რამდენიმე კორპუსი უსაფრთხოების გამო ვერ ჩაირთო, რადგან გაზის ონკანები ღია მდგომარეობაში დატოვეს ბინის მეპატრონეებმა, პარალელურად ვმუშაობთ მათი ჩართვის პროცესზეც.
კომპანია სრული რესურსით ჩართულია, რომ ყველა აბონენტს მივაწოდოთ გაზი 23:00 საათამდე“, - აღნიშნულია ინფორმაციაში.
