განსხვავება არის ის, რომ უკრაინამ თქვა „დიახ“ ცეცხლის შეწყვეტის შესახებ აშშ-ის წინადადებაზე იმიტომ, რომ უკრაინას მშვიდობა სურს. პუტინი, იმის ნაცვლად, რომ თქვას „დიახ“, სხვადასხვა პირობებს აყენებს, - ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ პლატფორმა X-ზე წერს.

„უკრაინა ომის დასრულებას ცდილობს. პუტინი ომის გაგრძელებას ცდილობს. მისი დანარჩენი სიტყვები მხოლოდ კვამლის ფარდაა“, - აცხადებს სიბიგა.

შეგახსენებთ, უკრაინისა და აშშ-ის მთავრობების წარმომადგენლებს შორის საუდის არაბეთში გამართული შეხვედრის შემდეგ ცნობილი გახდა, რომ უკრაინა თანახმაა, ცეცხლის დროებით, 30-დღიან შეწყვეტას დათანხმდეს. რუსეთის პრეზიდენტმა, ვლადიმერ პუტინმა გუშინ განაცხადა, რომ რუსეთი თანახმაა, უკრაინასთან ცეცხლის 30 დღით შეწყვეტაზე თუ “კრიზისის ძირეული მიზეზები აღმოიფხვრება”.