საგანგებო სიტუაციების მართვის სამსახური - წალენჯიხაში ცეცხლი ეკალ-ბარდებს უკიდია - 10-მდე ლოკაციაზე სახანძრო-სამაშველო ბრიგადა მუშაობს
წალენჯიხის მუნიციპალიტეტში გაჩენილის ხანძარს სახანძრო-სამაშველო ბრიგადა ამ წუთებშიც აქრობს.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ცეცხლი, დაახლოებით, 10-მდე ლოკაციაზე გაჩნდა, ცეცხლი ეკალ-ბარდებს უკიდია.
უწყების პრესსამსახურის განმარტებით, გაჩენილი ხანძრის შედეგად მოსახლეობას საფრთხე არ ემუქრება.
ცნობისთვის, წალენჯიხის მუნიციპალიტეტში გაჩენილი ხანძრის შესახებ ინფორმაცია წალენჯიხის მერის მოვალეობის შემსრულებელმა, თამარ ბელქანიამ „ფეისბუქზე“ გაავრცელა.
მისივე ინფორმაციით, ხანძარი 25 სხვადასხვა ლოკაციაზეა გაჩენილი.
