დონალდ ტრამპსა და ვლადიმერ პუტინს შორის სატელეფონო საუბარი დასრულდა. ამის შესახებ ინფორმაციას CBS-ი თეთრი სახლის ოფიციალურ პირებზე დაყრდნობით ავრცელებს.

მედიის ინფორმაციით, აშშ-ისა და რუსეთის პრეზიდენტების სატელეფონო საუბარი დაახლოებით ორი საათის განმავლობაში მიმდინარეობდა.

დასავლური მედია ელის, რომ საუბრის შესახებ ინფორმაციას თეთრი სახლი მოგვიანებით გაავრცელებს.