CNN - აშშ-ის ფედერალურმა სასამართლომ დაბლოკა გადაწყვეტილება USAID-ის გაუქმების შესახებ
ილონ მასკმა, როგორც ჩანს, გადააჭარბა აღმასრულებელი ხელისუფლების უფლებამოსილებას მთავრობის ეფექტურობის დეპარტამენტის საქმიანობით. ამის შესახებ განაცხადა ფედერალურმა მოსამართლემ, როდესაც მან განუსაზღვრელი ვადით დაბლოკა USAID-ის გაუქმება. ამის შესახებ ინფორმაციას CNN-ი ავრცელებს.
სასამართლომ დაადგინა, რომ ქმედებები USAID-ის დახურვის შესახებ, სავარაუდოდ, არღვევს შეერთებული შტატების კონსტიტუციას.
სასამართლოს თანახმად, მთავრობის ეფექტურობის დეპარტამენტს არ შეუძლია შეწყვიტოს USAID-ს კონტრაქტები ან გრანტები, გაათავისუფლოს ან დატოვოს შვებულებაში თანამშრომლები.
როგორც ამერიკული მედია წერს, თეთრმა სახლმა გააკრიტიკა მოსამართლე გადაწყვეტილების თაობაზე.
„თაღლითი მოსამართლეები არღვევენ ამერიკელი ხალხის ნებას, რომ შეაჩერონ პრეზიდენტი ტრამპი მისი დღის წესრიგის შესრულებაში“, - განაცხადა თეთრი სახლის პრესსპიკერმა ანა კელიმ და დასძინა: „თუ ამ მოსამართლეებს სურთ საკუთარი პარტიული იდეოლოგიური ძალაუფლება ხელისუფლებაში, თავად უნდა იყარონ კენჭი".
კელიმ დასძინა, რომ ტრამპის ადმინისტრაცია გასაჩივრებას გეგმავს.
