საქართველოს ეროვნული საფეხბურთო ნაკრები სომხეთის ნაკრებს 3:0 უგებს. მესამე გოლი გიორგი მიქაუტაძემ შეხვედრის 58 წუთზე გაიტანა და დუბლი შეასრულა.

შეგახსენებთ, შეხვედრის პირველი ნახევარი საქართველოს ეროვნული ნაკრების გამარჯვებით 2:0 დასრულდა.

პირველი გოლი მატჩის 33-ე წუთზე გიორგი ქოჩორაშვილმა, ხოლო 37-ე წუთზე გიორგი მიქაუტაძემ გაიტანეს.

საქართველოს ეროვნული საფეხბურთო ნაკრები „ერთა ლიგის“ „პლეი ოფის“ პირველ შეხვედრას სომხეთის ნაკრებთან ერევანში, ვაჟგენ სარქისიანის რესპუბლიკურ სტადიონზე მართავს.

როგორც ცნობილია, "ერთა ლიგის" B დივიზიონის მომავალი მონაწილე საქართველოსა და სომხეთის ნაკრებების ორრაუნდიან დაპირისპირებაში გაირკვევა. მეორე შეხვედრა საქართველო-სომხეთის ნაკრებებს შორის თბილისში, 23 მარტს გაიმართება.