დნიპროზე თავდასხმა ცეცხლის შეწყვეტის შესახებ აშშ-ის წინადადებებზე პუტინის პასუხია, - ამის შესახებ უკრაინის საგარეო საქმეთა მინისტრი, ანდრეი სიბიგა რუსული ძალების მიერ დრონების გამოყენებით ქალაქ დნიპროზე განხორციელებული თავდასხმის შემდეგ სოციალურ პლატფორმა X-ზე წერს.

„გასულ ღამეს, დნიპროზე რუსული დრონებით განხორციელებულ თავდასხმას ოთხი ადამიანი ემსხვერპლა და 20-ზე მეტი დაშავდა. საცხოვრებელ ადგილებს კიდევ ერთხელ დაარტყეს. ცეცხლის შეწყვეტის შესახებ აშშ-ის წინადადებებზე პუტინის პასუხი ეს არის - ახალი ომის დანაშაულები და მშვიდობიანი მოსახლეობის წინააღმდეგ დარტყმები“, - წერს ანდრეი სიბიგა.

ამასთან, უკრაინული მედიის ინფორმაციით, დღეს რუსულმა ძალებმა ქალაქ კრივი-რიჰს დაარტყეს, რის შედეგადაც 5 ადამიანი დაშავდა.