თბილისის სახელმწიფო უნივერსიტეტის პირველი კორპუსიდან სტუდენტების მსვლელობა სახელწოდებით - „ჩვენი მომავალი დამოუკიდებელი საქართველოა“ მიმდინარეობს.

როგორც აქციის მონაწილეები აცხადებენ, „წინაპრების მიერ მოპოვებულ დამოუკიდებლობას არ დათმობენ“.

მსვლელობა რუსთაველის გამზირზე დასრულდება, სადაც სტუდენტები პარლამენტის წინ მიმდინარე საპროტესტო აქციას შეუერთდებიან.

პარალელურად, რესპუბლიკის მოედნიდან რეფერენდუმის დღისადმი მიძღვნილი მსვლელობა მიმდინარეობს.

მარშის მონაწილეებს მოტანილი აქვთ საქართველოსა და ევროკავშირის დროშები და პარლამენტის მიმართულებით მიემართებიან, სადაც შეკრებილ მოქალაქეებს შეუერთდებიან.