უკრაინის დელეგაცია მიმდინარე კვირის ბოლოს, ან მომავალი კვირის დასაწყისში, შესაძლოა, წიაღისეულის შესახებ შეთანხმებაზე მოსალაპარაკებლად, შეერთებულ შტატებს ეწვიოს, - უკრაინული მედიის ცნობით, ამის შესახებ აშშ-ის ფინანსთა მინისტრმა, სკოტ ბესენტმა Bloomberg-თან ინტერვიუში განაცხადა.

მისი თქმით, უკრაინელებმა დაიქირავეს ადვოკატი და რომ შეთანხმება აშშ-ის მხრიდან მზადაა.

„ჩვენ გვჯერა, რომ ეს შეთანხმება ძალიან მნიშვნელოვანია ამერიკელი ხალხისთვის, უკრაინელი ხალხისთვის და სამშვიდობო პროცესისთვის“, - განაცხადა სკოტ ბესენტმა.