ტელეკომპანია „პალიტრანიუსი“ არხის მაყურებლების შესახებ შიდა კვლევის შედეგებს აქვეყნებს. კვლევის შედეგების მიხედვით, „პალიტრანიუსის“ მაყურებელთა 65% მამაკაცი, 35% კი ქალია.

რაც შეეხება მაყურებელთა ასაკს, მამაკაცი მაყურებლების 45 % 40-დან 60 წლამდე ასაკისაა, 12 % - 30–40 წლის ასაკის კატეგორიაშია, ხოლო 8 % - 18-დან 30 წლისაა.

ასაკის მიხედვით ქალი მაყურებლების პროცენტული მონაცემები ასე ნაწილდება: 40–60 წლის –25%, 30–40 წლის – 8 %, 18–30 წლის – 2 %.

ტელეკომპანიის მიერ ჩატარებული კვლევის მიზანი იმის დადგენა იყო, თუ რა კატეგორიის აუდიტორია ჰყავს „პალიტრანიუსს“, რა არის მათი მთავარი ინტერესები და როგორ შეუძლია არხს მაუწყებლობა კიდევ უფრო გააუმჯობესოს.

“პალიტრანიუსი” აგრძელებს განვითარებას და ახალი პროექტების განხორციელებას, რათა კიდევ უფრო გააძლიეროს თავისი პოზიციები ქართულ მედიასივრცეში.

“პალიტრანიუსი” ყოველთვის ცდილობს, მაქსიმალურად ახლოს იყოს მაყურებელთან და მოერგოს მათ ინტერესებს. სწორედ ამიტომ, ჩატარდა შიდა კვლევა, რათა უკეთ გაგვეგო, ვინ გვიყურებს, რა არის მათი მთავარი ინტერესები და როგორ შეგვიძლია კიდევ უფრო გავაუმჯობესოთ ჩვენი მაუწყებლობა.

„პალიტრანიუსი“ არის სანდო და მიუკერძოებელი საინფორმაციო წყარო. ტელევიზია არ არის ასოცირებული რომელიმე პოლიტიკურ პარტიასთან, რაც მას ანიჭებს ნეიტრალურობას“, - აცხადებენ „პალიტრანიუსში“.

„პალიტრანიუსი” არის ქართული ახალი ამბების ტელევიზია, რომელიც მაუწყებლობს 24 საათის განმავლობაში. მისი მთავარი მიზანია, მაყურებელს მიაწოდოს ოპერატიული და ობიექტური ინფორმაცია, როგორც ქვეყნის შიგნით, ასევე საერთაშორისო მოვლენებზე. „პალიტრანიუსი” გამოირჩევა უწყვეტი საინფორმაციო მაუწყებლობით, ყოველ საათში განახლებული გამოშვებებით. ტელევიზია ფოკუსირებულია პოლიტიკურ, ეკონომიკურ, სპორტულ და კულტურულ სიახლეებზე, რაც მაყურებელს საშუალებას აძლევს მიიღოს მრავალფეროვანი ინფორმაცია.