თბილისის სახელმწიფო სამედიცინო უნივერსიტეტში დასაქმების ფორუმი გაიმართება
11 აპრილს თბილისის სახელმწიფო სამედიცინო უნივერსიტეტში, სტუდენტებისა და კურსდამთავრებულების დასაქმებისა და კარიერული განვითარების მიზნით გაიმართება დასაქმების ფორუმი, რომელშიც მონაწილეობას მიიღებენ სამედიცინო მიმართულებით მოქმედი დაწესებულებები. დასაქმების ფორუმში მონაწილეობას მიიღებს 40 მდე სამედიცინი კომპანია, რომლებიც წარმოადგენენ კომპანიის აქტიურ ვაკანსიებს და სტაჟირების პროგრამებს.
დაინტერესებულ პირებს შესაძლებლობა ექნებათ, გაეცნონ სამედიცინო სფეროში არსებულ ვაკანსიებს და ადგილზე გაესაუბრონ კომპანიების წარმომადგენლებს.
ღონისძიებია ფარგლებში განხორციელდება კომპანიების მოხსენებები თემაზე “დასაქმების ბაზარზე არსებულ მოთხოვნები და გამოწვევები”.
დასაქმების ფორუმის ფარგლებში, აგრეთვე გაიმართება მასტერკლასები თემაზე: “რეზიუმეს შექმნა”, “დამსაქმებელთან კომუნიკაციის უნარ-ჩვევები”, “გასაუბრების ტექნიკა”.
აღსანიშნავია, რომ დასაქმების ფორუმები თბილისის სახელმწიფო სამედიცინო უნივერსიტეტში ყოველწლიურად იმართება.
ინფორმაციას თბილისის სახელმწიფო სამედიცინო უნივერსიტეტი ავრცელებს.
