უკრაინელებმა აჩვენეს ცეცხლის შეწყვეტის სრული სურვილი, საკმაოდ მალე რუსებსა და პუტინს მოუწევთ გადაწყვეტილების მიღება, სერიოზულები არიან თუ არა მშვიდობასთან დაკავშირებით, - ამის შესახებ აშშ-ის სახელმწიფო მდივანმა, მარკო რუბიომ ნატო-ს შტაბ-ბინაში მედიასთან საუბარში განაცხადა.

„ამ პროცესზე ვმუშაობთ. ვიზიტორი გვყავდა - ბატონი კირილი [პუტინის წარმომადგენელი]. მასთან საუბრის შესაძლებლობა მქონდა. ის სხვებსაც შეხვდა. რაღაც მესიჯებს წაიღებს უკან. ეს მესიჯია: შეერთებულმა შტატებმა უნდა იცოდეს, სერიოზული ხარ თუ არა მშვიდობაზე. საბოლოოდ, პუტინს მოუწევს ამ გადაწყვეტილების მიღება; რუსეთის ფედერაციას მოუწევს ამ გადაწყვეტილების მიღება. ვფიქრობ, უკრაინელებმა აჩვენეს სურვილი შევიდნენ, მაგალითად, სრულ ცეცხლის შეწყვეტაში, რათა სივრცე შექმნან მოლაპარაკებისთვის. რაღაც მომენტში ძალიან მალე - ექვს თვეში არა - რუსებსა და პუტინს მოუწევთ გადაწყვეტილების მიღება, სერიოზულები არიან თუ არა მშვიდობაზე, და ვიმედოვნებ, რომ სერიოზულები არიან. მსოფლიოსთვის კარგი იქნება თუ ეს ომი დამთავრდება”, - განაცხადა რუბიომ.