რუსეთის საჰაერო თავდაცვის სისტემებმა ქვეყნის ტერიტორიაზე 49 უკრაინული დრონი ჩამოაგდეს, - ამის შესახებ ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„გასული ღამის განმავლობაში მორიგე საჰაერო თავდაცვის სისტემებმა 49 უკრაინული დრონი გაანადგურეს“, - აცხადებენ რუსეთის თავდაცვის უწყებაში.

რუსეთის თავდაცვის სამინისტროს ინფორმაციით, ვორონეჟის ოლქის თავზე 16 დრონი ჩამოაგდეს, 14 ბელგოროდის, 6 კურსკის, 6 სამარის, 3 მორდვეთის რესპუბლიკის, თითო-თითო ბრიანსკის ოლქის, ლიპეცკის, ორიოლისა და პენზის ოლქის ტერიტორიებზე.