9 აპრილის მემორიალთან კიდევ ერთი დაპირისპირება მოხდა

პარლამენტთან, სადაც მოქალაქეები 9 აპრილთან დაკავშირებით არიან შეკრებილი, სიტუაცია პერიოდულად იძაბება.

ცოტა ხნის წინ, ადგილზე მცირე ინციდენტს ჰქონდა ადგილი. კერძოდ, მოქალაქეებმა, რომლებიც 9 აპრილის მემორიალთან არიან შეკრებილი, მემორიალთან მისვლის საშუალება არ მისცეს პირს, რომელსაც „ქართული ოცნების” დროშა ჰქონდა თან. მოქალაქეებმა მას ტერიტორიის დატოვება მოსთხოვეს, ისინი სკანდირებდნენ: „რუსო!” „წადი!”. საბოლოოდ, აღნიშნულმა პირმა ტერიტორია დატოვა.

რაც შეეხება რუსთაველის გამზირზე არსებულ მდგომარეობას, 9 აპრილის მემორიალთან მოქალაქეებს ე.წ. ცოცხალი კედელი აქვთ აღმართული. ისინი საჯარო მოხელეებს და „ქართული ოცნების” მხარდაჭერებს მემორიალთან მისვლის საშუალებას არ აძლევენ.

ადგილზე მობილიზებული არიან სამართალდამცველები.

გიორგი გობრონიძე - სამხრეთ კავკასიის რეგიონში რუსულ-ირანული ღერძის შესუსტება, შესაძლოა, გახდეს აზერბაიჯანულ-თურქული ღერძის გაძლიერების კატალიზატორი
ქართული პრესის მიმოხილვა 07.07.2025
ზურაბ ჩხაიძე განცხადებას ავრცელებს