„ლელო - ძლიერი საქართველოს“ აჭარის ორგანიზაციის წევრებმა, 9 აპრილის მემორიალი ყვავილებით შეამკეს და 36 წლის წინ, საქართველოს დამოუკიდებლობისთვის მებრძოლი გმირების ხსოვნას პატივი მიაგეს. ამის შესახებ ინფორმაციას პარტიის პრესსამსახური ავრცელებს.

როგორც პარტიის ერთ-ერთი წევრი გენო თებიძე აცხადებს, ქვეყანაში თავისუფლებაზე წინ არაფერი დგას და დღესაც მნიშვნელოვანია, ამ ღირებულებისთვის ბრძოლა.

„ჩვენს ქვეყანაში თავისუფლებაზე წინ არაფერი დგას და დღესაც გვიწევს ამ მნიშვნელოვანი ღირებულებისთვის ბრძოლა. ცხრა აპრილი ქართველი ხალხისთვის ძალიან მნიშვნელოვანი თარიღია, რადგან ამ დღემ განსაზღვრა არა მხოლოდ ჩვენი ქვეყნიs, არამედ მაშინდელი პოსტსაბჭოთა ქვეყნების მომავალი და საბჭოთა კავშირის ბედიც“, - განაცხადა გენო თებიძემ.