არ მგონია, რომ აშშ-თან ბირთვულ საკითხებზე მოლაპარაკებები შეთანხმებით დასრულდება, - ამის შესახებ ირანის უზენაესმა ლიდერმა, აიათოლა ალი ხამენეიმ განაცხადა.

„არ ვიცი. არ მგონია, რომ აშშ-თან ბირთვული მოლაპარაკებები შედეგებს გამოიღებს“, - განაცხადა აიათოლა ალი ხამენეიმ.

ამასთან, ირანის საგარეო საქმეთა მინისტრის მოადგილის, ქაზემ ღარიბაბადის ცნობით, ირანი აშშ-თან ბირთვული შეთანხმების საკითხზე მოლაპარაკებების მეხუთე რაუნდის გამართვის წინადადებას განიხილავს.

სააგენტო Reuters-ის ინფორმაციით, ირანსა და აშშ-ს შორის მოლაპარაკებების ახალი რაუნდი, შესაძლოა, რომში გაიმართოს.