პოლონეთში ტერორისტული თავდასხმის დაგეგმვაში ეჭვმიტანილი 19 წლის მამაკაცი დააკავეს. ინფორმაციას ქვეყნის შინაგან საქმეთა სამინისტროს სპიკერი იაცეკ დობჟინსკი ავრცელებს.

დობჟინსკის თქმით, ეჭვმიტანილი, საქმეზე ადრე დაკავებულ კიდევ ორ მამაკაცთან ერთად, პიროტექნიკურ მასალებს აგროვებდა და მასობრივი მკვლელობების, მათ შორის ანდერს ბრეივიკის მიერ ნორვეგიაში მოწყობილი ტერაქტით იყო შთაგონებული.