რუსულმა ძალებმა ოდესას დრონებით შეუტიეს, რის შედეგადაც 9-სართულიანი საცხოვრებელი კორპუსი დაზიანდა და ხანძარი გაჩნდა, - ინფორმაციას უკრაინული მედია ავრცელებს.

მათივე ინფორმაციით, მაშველებმა 50 ადამიანის ევაკუაცია განახორციელეს. თავდასხმის შედეგად 4 ადამიანი დაშავდა.

„საჰაერო თავდაცვის აქტიური მუშაობის მიუხედავად, ზიანი მიადგა სამოქალაქო ინფრასტრუქტურას, კერძოდ, საცხოვრებელ შენობებს. დაზარალებულების შესახებ ინფორმაცია ზუსტდება. თავდასხმის შედეგების აღმოსაფხვრელად ყველა უფლებამოსილი სამსახური მუშაობს“, - განაცხადა ოდესის საოლქო-სამხედრო ადმინისტრაციის ხელმძღვანელმა, ოლეგ კიპერმა.