ინდონეზიის კუნძულ ბალის მახლობლად ბორნის ჩაძირვის შედეგად სულ მცირე ოთხი ადამიანი დაიღუპა, 30 კი დაკარგულად ითვლება. მაშველებმა 31 პირის გადარჩენა შეძლეს. ინფორმაციას ქვეყნის სამძებრო-სამაშველო სააგენტო ავრცელებს.

სააგენტოს ცნობით, ხუთშაბათს, აღმოსავლეთ იავის პროვინციის ბანიუვანგის პორტიდან ბალისკენ მიმავალი გემი KMP Tunu Pratama Jaya ჩაიძირა თითქმის ნახევარი საათის შემდეგ, რაც პორტი დატოვა.

მათივე ინფორმაციით, გემზე 53 მგზავრი და ეკიპაჟის 12 წევრი იმყოფებოდა.

სააგენტოს ცნობით, დაკარგულთა ძებნა მიმდინარეობს, თუმცა მას ძლიერი დინება და ქარი აფერხებს.