ვანო თარხნიშვილი თავდასხმაზე - ორი ადამიანი იყო, ერთმა მითხრა, შენი „ფანი“ ვარო და დამარტყა - არ მიმიმართავს პოლიციისთვის, რა აზრი აქვს

ორი ადამიანი იყო, არაფერი დაფარული არ ჰქონდათ. ერთმა მითხრა, შენი „ფანი“ ვარ, მევასებიო, ბავშობიდან გისმენო, შემდეგ თქვა, როგორ გვაგინეო და დამარტყა, - ამის შესახებ მსახიობმა, ვანო თარხნიშვილმა მასზე მომხდარ თავდასხმაზე საუბრისას განაცხადა.

როგორც თარხნიშვილი აღნიშნავს, მას პოლიციისთვის არ მიუმართავს.

„ორი ადამიანი იყო, არაფერი დაფარული არ ჰქონდათ. საერთოდ არ შემიხედავს ერთისთვის, მეორე მოვიდა და ვითომ შენი „ფანი“ ვარ, „მევასებიო“, ბავშობიდან გისმენო, შემდეგ თქვა, რომ როგორ გვაგინეო და დამარტყა. სახლთან მოხდა, სადაც ხანშიშესულმა მშობლებმა გაიგეს ხმა. გზის პირას მოხდა, სახლთან იანვარში რომ ვიმღერე „ოლე ოლა“, ალბათ, მაგის პასუხი იყო. არ მიმიმართავს პოლიციისთვის, რა აზრი აქვს“ ,- აღნიშნავს თარხნიშვილი “ტვ პირველთან“.

ცნობისთვის, მსახიობმა ვანო თარხნიშვილმა დღეს გაავრცელა ინფორმაცია იმის თაობაზე, რომ მას საცხოვრებელ სახლთან თავს დაესხნენ. თარხნიშვილმა „ფეისბუქზე“ გამოაქვეყნა ფოტო, სადაც სახის არეში დაზიანებები ჩანს.

პაატა ზაქარეიშვილი - მგონი, ევროკავშირი ხვდება, რომ „ქართულ ოცნებას“ ევროკავშირი არც თავისთვის და არც საქართველოსთვის არ უნდა
ქართული პრესის მიმოხილვა 17.07.2025
კავკასიის მედიცინის ცენტრს ევროპის ონკოგინეკოლოგთა ასოციაციის (ESGO) აკრედიტაცია მიენიჭა
Idram და Alipay+ ხელს უწყობენ სომხეთში საერთაშორისო QR გადახდებს, რითაც ადგილობრივ ბიზნესებს ციფრული საფულეების გლობალურ მომხმარებლებთან აკავშირებენ
„მადლიერების ჩიტი“ – ჯილდო ქართული ტრადიციული მუსიკის ერთგულ მხარდამჭერებს