პარლამენტთან საპროტესტო აქცია მიმდინარეობს
რუსთაველის გამზირზე საპროტესტო აქცია მიმდინარეობს.
პროტესტის 253-ე დღეს აქციის მონაწილეები კვლავ პარლამენტთან შეიკრიბნენ.
რუსთაველის გამზირზე საავტომობილო მოძრაობა შეზღუდულია.
პროტესტის მონაწილეების მოთხოვნები უცვლელია: დაინიშნოს ახალი საპარლამენტო არჩევნები და გათავისუფლდნენ პროტესტის ფარგლებში დაკავებული პირები.
აქციის მონაწილეებს ასევე შეუერთდნენ გმირთა მოედნიდან მარშით მისული აქციის სხვა მონაწილეებიც, რომლებიც მანამდე გმირთა მოედანზე, გმირთა მემორიალთან შეიკრიბნენ და ომში დაღუპულ გმირებს პატივი მიაგეს.
