ევროკავშირის საბჭოს შენობა, უკრაინის დამოუკიდებლობის დღეს, უკრაინის ეროვნული დროშის ფერებში განათდა, - ამის შესახებ ევროპული საბჭოს პრეზიდენტი, ანტონიო კოშტა სოციალურ პლატფორმა X-ზე წერს.

მისი განცხადებით, ევროპა პატივს მიაგებს უკრაინელების გამბედაობას, სიმტკიცეს და ევროპულ მომავალს.

„ევროპის შენობა თქვენს ეროვნულ ფერებში - ლურჯ და ყვითელ ფერებში - ანათებს, როგორც თქვენს მიმართ ჩვენი ურყევი მხარდაჭერის სიმბოლო. პატივს მივაგებთ თქვენს გამბედაობას, თქვენს მდგრადობას და თქვენს ევროპულ მომავალს“, - წერს კოშტა.

ცნობისთვის, უკრაინა დღეს დამოუკიდებლობის დღეს აღნიშნავს.