უკრაინელებმა რუსეთის რიაზანში ოლქში ნავთობგადამამუშავებელ ქარხანასა და რუსეთის მიერ დროებით ოკუპირებულ ლუგანსკში მდებარე ნავთობბაზაზე დარტყმები განხორციელეს, - უკრაინული მედიის ცნობით, ინფორმაცია უპილოტო სისტემების ძალების მეთაურმა რობერტ ბროვდმა დაადასტურა.

მისი თქმით, რიაზანის ნავთობგადამამუშავებელ ქარხანას, რომელიც რუსეთის ოთხი უდიდესი ნავთობგადამამუშავებელი ქარხნიდან ერთ-ერთია, უპილოტო სისტემების ძალების მე-14 პოლკმა, სპეციალური ოპერაციების ძალებმა, დაზვერვის მთავარმა სამმართველომ და შეიარაღებული ძალების სხვა ნაწილებმა დაარტყეს.

ლუგანსკის ნავთობბაზაზე კი იერიში უპილოტო სისტემების ძალების მე-14 პოლკმა მიიტანა.

ცნობისთვის, მანამდე გავრცლდა ინფორმაცია, რომ 5 სექტემბრის ღამეს, რუსეთის ქალაქ რიაზანში ნავთობგადამამუშავებელ ქარხანაში, დრონით თავდასხმის შედეგად, ხანძარი გაჩნდა.