2 სექტემბერს, რუსთაველის გამზირზე, ადმინისტრაციული წესით დაკავებული აქტივისტები - რუსუდან და ნუცა მაღრაძეები სასამართლომ სამართალდამრღვევებად სცნო.

მოსამართლე ლელა ცაგარეიშვილის გადაწყვეტილებით, მათ ადმინისტრაციული სახდელის სახით 4000-4000- ლარიანი ჯარიმა დაეკისრათ.

ცნობისთვის, 2 სექტემბერს, რუსთაველის გამზირზე ადმინისტრაციულ სამართალდარღვევათა კოდექსის 166-ე და 173-ე მუხლებით, რაც პოლიციის წინააღმდეგობის გაწევასა და წვრილმან ხულიგნობას გულისხმობს, 23 პირი დააკავეს.

მათი სასამართლო პროცესები სხვადასხვა დღეს არის დანიშნული.