მოქალაქეები, რომლებიც “ფილარმონიასთან” იყვნენ შეკრებილები, მსვლელობით "ქართული ოცნების" თბილისის მერობის კანდიდატის, კახა კალაძის საარჩევნო შტაბთან მივიდნენ.

პროტესტის მონაწილეებმა შტაბთან განლაგებული რკინის ჯებირები დააშალეს.

აქციის მონაწილეები სკანდირებენ: “რუსებო, რუსებო!”. მომიტინგეებმა შტაბის შენობაზე დატოვეს წარწერები: "რუსული ოცნება".

ადგილზე იყო შეძახილები, ვითარება მას შემდეგ დაიძაბა, რაც აქციის მონაწილეებმა შტაბის შიგნიდან “ქართული ოცნების” მხარდამჭერები შეამჩნიეს. აქციის მონაწილეები მათ მოუწოდებენ, გარეთ გამოსვლისკენ.

ადგილზე მობილიზებულია პოლიცია.