ევროკავშირი-აზერბაიჯანის პარტნიორობას პატივისცემა, დიალოგი და ორმხრივი ინტერესები წარმართავს, - ამის შესახებ ევროკომისარმა გაფართოების საკითხებში, მარტა კოსმა სოციალურ პლატფორმა X-ზე, აზერბაიჯანის საგარეო საქმეთა მინისტრ ჯეიჰუნ ბაირამოვთან შეხვედრის შესახებ დაწერა.

მისი თქმით, ეს მკაფიოდ გამოჩნდა აზერბაიჯანის საგარეო საქმეთა მინისტრთან შეხვედრაზე.

„ჩვენ ვგეგმავთ ჩვენი ურთიერთობების კიდევ უფრო გაღრმავებას“, - განაცხადა კოსმა.

შეგახსენებთ, ევროკომისარი გაფართოების საკითხებში, მარტა კოსი აზერბაიჯანში იმყოფება, რის შემდეგაც ის სომხეთს ეწვევა.