ბათუმში ავტოავარიას ქვეითი ემსხვერპლა
ბათუმში ავტოსაგზაო შემთხვევის შედეგად ქვეითად მოსიარულე შუახნის მამაკაცი დაიღუპა.
შემთხვევა ჯავახიშვილის ქუჩაზე მოხდა. არსებული ინფორმაციით, მსუბუქი ავტომობილი თავდაპირველად ქვეითად მყოფ შუახნის მამაკაცს შეეჯახა, შემდეგ კი, იქვე მდგომი ავტომობილები დააზიანა.
როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, გამოძიება „სისხლის სამართლის კოდექსის”, 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
