რუსებმა უკრაინის ქალაქ ხარკოვს უპილოტო საფრენი აპარატებით შეუტიეს, რის შედეგადაც ქალაქში ხანძარი გაჩნდა და შენობები და ავტომობილების დაზიანდა, არიან დაშავებულები, - ინფორმაციას უკრაინული მედია ავრცელებს.

ხარკოვის საოლქო-სამხედრო ადმინისტრაციის ხელმძღვანელის, ოლეგ სინეგუბოვის განცხადებით, წინასწარი ინფორმაციით, მტერმა სლობიდსკის, ოსნოვიანსკის და ნემიშლიანსკის რაიონებზე თავდასხმისთვის „გერან-2“ ტიპის 19 უპილოტო საფრენი აპარატი გაგზავნა.

თავდასხმის შედეგად დაშავდა 32 ადამიანი, მათ შორის 9 და 13 წლის ბავშვები.

„დაზიანდა სულ მცირე 10 სამოქალაქო ავტომობილი, ასევე ახლომდებარე საცხოვრებელი შენობა. ხანძარი გაუჩნდა ავტოფარეხებს და საოფისე შენობის სახურავს. მნიშვნელოვანი ზიანი მიადგა სუპერმარკეტსაც“, - აღნიშნა სინეგუბოვმა.