პუტინი დონალდ ტრამპის „მშვიდობის საბჭოში“ მიწვევას კიევსა და უკრაინის სხვა ქალაქებზე მასობრივი საჰაერო თავდასხმების შედეგად მშვიდობიანი მოსახლეობის მკვლელობით პასუხობს, - ამის შესახებ ესტონეთის პარლამენტის საგარეო ურთიერთობათა კომიტეტის ხელმძღვანელი, მარკო მიხელსონი სოციალურ პლატფორმა X-ზე წერს.

მიხელსონი მიიჩნევს, რომ რუსეთის პრეზიდენტი ამ მოქმედებით ამ იდეის დასაწყისშივე დისკრედიტაციას ახდენს.

მანამდე, აშშ-ის პრეზიდენტმა დონალდ ტრამპმა დაადასტურა, რომ ვლადიმერ პუტინი „მშვიდობის საბჭოში“ მიიწვია. კერძოდ, ჟურნალისტის კითხვაზე, მიიწვია თუ არა პუტინი „მშვიდობის საბჭოში“, ტრამპმა უპასუხა: „დიახ, ის მოწვეულია“.