დონალდ ტრამპმა და რეჯეფ თაიფ ერდოღანმა სატელეფონო საუბარში სირიისა და ღაზას საკითხი განიხილეს, - ინფორმაციას Reuters-ი ავრცელებს.

„პრეზიდენტმა ერდოღანმა განაცხადა, რომ თურქეთი სირიაში განვითარებულ მოვლენებს ყურადღებით აკვირდება და აღნიშნა, რომ სირიის ერთიანობა და ტერიტორიული მთლიანობა თურქეთისთვის მნიშვნელოვანია“, - ნათქვამია თურქეთის პრეზიდენტის ადმინისტრაციის განცხადებაში.

ასევე, აშშ-ის პრეზიდენტმა, დონალდ ტრამპმა აღნიშნა, რომ ერდოღანთან „ძალიან კარგი სატელეფონო საუბარი“ ჰქონდა.

შეგახსენებთ, სირიის მთავრობამ და ქურთების მეთაურობით მოქმედმა „სირიის დემოკრატიულმა ძალებმა“ (SDF) ცეცხლის დაუყოვნებლივ შეწყვეტის შეთანხმებას მიაღწიეს. სირიის პრეზიდენტის, აჰმედ ალ-შარაას მთავრობამ „სირიის დემოკრატიულ ძალებს“ ცენტრალურ სახელმწიფოში ინტეგრაციაზე დასათანხმებლად ოთხდღიანი ვადა მისცა.