რუსული ძალების მიერ 21 იანვრის ღამეს დნეპროპეტროვსკის ოლქში განხორციელებული შედეგად ორი ადამიანი დაიღუპა და ერთი დაშავდა, - ინფორმაციას უკრაინული მედია დნეპროპეტროვსკის საოლქო-სამხედრო ადმინისტრაციის ხელმძღვანელზე ოლექსანდრ განჟაზე დაყრდნობით ავრცელებს.

„მტერმა უპილოტო საფრენი აპარატებით თავდასხმა განახორციელა სინელნიკოვსკის რაიონზე. დაზიანდა ვასილკივსკას და როზდორსკის თემები. დაიღუპნენ 77 წლის მამაკაცი და 72 წლის ქალი“, - აღნიშნა ოლექსანდრ განჟამ.

მისი ინფორმაციით, სინელნიკოვსკის რაიონში ხანძარი გაჩნდა, რის შედეგადაც სამი კერძო სახლი დაზიანდა.

ასევე, ღამის განმავლობაში, ოკუპანტებმა კრივი-რიჰზე სარაკეტო თავდასხმა განახორციელეს, რის შედეგადაც დაზიანდა 9 კერძო სახლი და 5 საცხოვრებელი კორპუსი, ადმინისტრაციული შენობა და ავტომობილები.