დონალდ ტრამპი შვეიცარიაში ჩავიდა, - ინფორმაციას Sky News-ი ავრცელებს. აშშ-ის პრეზიდენტის, დონალდ ტრამპის თვითმფრინავი ციურიხის აეროპორტში დაეშვა.

დონალდ ტრამპი ციურიხიდან დავოსში ვერტმფრენით გადაფრინდება, სადაც მოგვიანებით მსოფლიო ეკონომიკურ სამიტზე სიტყვით გამოვა.

შეგახსენებთ, დონალდ ტრამპი შვეიცარიაში რამდენიმე საათის დაგვიანებით ჩაფრინდა, რადგან აშშ-ის პრეზიდენტის თვითმფრინავმა, Air Force One-მა მცირე ელექტრო პრობლემის გამო რეისის შესრულება ვერ შეძლო და პრეზიდენტს ენდრიუსის ბაზაზე დაბრუნება მოუწია. დონალდ ტრამპი შვეიცარიაში სათადარიგო თვითმფრინავით გაფრინდა.