ტარიფებით მუქარის მიუხედავად დიდი ბრიტანეთი გრენლანდიასთან დაკავშირებით პოზიციას არ შეიცვლის, - ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა.

„დიდი ბრიტანეთი ტარიფებით მუქარის ფონზე გრენლანდიის მომავალთან დაკავშირებით თავის პრინციპებსა და ღირებულებებს არ დათმობს. ეს ჩემი მკაფიო პოზიციაა“, - განაცხადა სტარმერმა.

მისი თქმით, „ტარიფების მუქარის გამოყენებით მოკავშირეებზე ზეწოლა გაუმართლებელია“.

„გრენლანდიის მომავალი მხოლოდ გრენლანდიელი და დანიელი ხალხის გადასაწყვეტია“, - აღნიშნა დიდი ბრიტანეთის პრემიერ-მინისტრმა.