რუსების მიერ ზაპოროჟიეს ოლქში განხორციელებული თავდასხმის შედეგად სამი ადამიანი დაიღუპა და ერთი დაშავდა, - ინფორმაციას უკრაინული მედია ავრცელებს.

„რუსებმა ვოლნიანსკში კერძო სახლებზე დრონებით იერიში მიიტანეს. სახლები განადგურდა და ხანძარი გაჩნდა. სამწუხაროდ, ორი ქალი და ერთი მამაკაცი დაიღუპა, ერთი მამაკაცი კი დაშავდა“, - განაცხადა ზაპოროჟიეს საოლქო-სახელმწიფო ადმინისტრაციის ხელმძღვანელმა ივან ფედოროვმა.

მაშველების ცნობით, დაზიანდა 7 კერძო სახლი და ერთი დაინგრა.